المحروس اخوي  سوا حادث بسيارته  من شهر تقريبا .. كان رايح على امتحان فاينل  و امام المسجد رايح علشان صلاه الظهر .. راحوا خبطوا ببعض ..

واحد بده يلحق الامتحان و الثاني الصلاه .. و المشكله سياره الامام لساتها جديده ما سارله اسبوع شاريها ..

الحمد لله الحق 100 % على امام المسجد .. 

 بالمناسبه اخوي متعتس و ما اله حظ .. من وقت ما اشترى السياره  و الخبطات بتيجيه وحده ورا الثانيه .. و اغلبهم الحق مو عليه .. الله يحرسه ..

المهم انه  لهذا اليوم السياره مو ناويه تتصلح و كل شوي بيطلع فيها اشي جديد ..

و ياحرام دفع اللي فوقه و تحته - طالب جامعه لافوقه و لا تحته - مش عارفه من وين مدبر حاله.. و فلوس التأمين موراضيه توصله..

و مبارح طلع السياره من الوكاله للمره الثانيه و طلع انها تحتاج قطع غيار ب 4000 ريال .. غير ال 2000  اللي دفعهم عليها قبل اسبوعين ..

و اليوم الظهر لما رجع من الورشه  معصب  من القطع اللي مش ملاقيها و من اسعارها .. بما انه التأمين قدر الضرر بسعر اقل من اللي دفعه المحروس لهاي اللحظه ..

و الطريف بالموضوع انه و هو بفاصل بالاسعار من واحد لواحد بالصناعيه علشان يلاقي الارخص و اذ بواحد منهم  بقول له ..

(( اذا سعر كيلو الرز ارتفع من  12  الى 21 ريال  فكيف اسعار القطع  )) … ظريف جدا …

فإضطر اخو ييشتري القطع - زي التوتو الشاطرين - بغض النظر عن السعر - و هو ساكت ..

ما بعرف مدى مصداقيه البياع مع موضوع غلاء سعر الرز .. و ال 21 و 21 .. بس  سبحان الله - سار كل اشي يتقارن مع اسعار الاكل ..

و بالمناسبه مبارح ابوي قبل الغدا ابدى ملاحظه انه الرز غليان ..

الله يديم النعمه و يعين الفقرا..

لو قام الذي يعاديك ويكرهك يوماً بذكر مساوئ ومعايب عنك أمام
الناس وفي حضورك ، ولكن من دون أن يشير إليك أو يذكر اسمك ،
فلا تقاومه وتدافع عن نفسك ، بل قم أنت بتأييده وانتقاد من به
تلك المساوئ أيضاً وكأنك لا تعلم أبداً أنك المقصود ،
وهو ما سيثير استغرابه .

حاول أن تجيب على تساؤلاته بالتطرق إلى موضوعات أخرى بعيدة
عن الموضوع ، فإن أصر على الموضوع وقام بتسميتك هذه المرة
وأنك المقصود ، فاظهر له استغرابك وأنك كنت تتوقع أن يكون
ذلك مزحاً ..

فإن رأيت إصرارا منه ، قم بتلطيف الأجواء عن طريق إجابات طريفة وسرد بعض النكات . وهذا ما سيعمل
على إغاظته وإثارته أكثر فأكثر ، فتكون نتيجة ذلك ظهوره
بمظهر غير لائق وهو ثائر غضبان ، في حين تكون أنت كقطعة ثلج في
صحراء سيبيريا الباردة لا تذوب أبداً .

في ذلك الوقت سيبدأ الشخص بملاحظة نفسه وأنه ثائر على لا شيء وأن مظهره بالفعل غير لائق أمام الناس
فيبدأ بالميلان نحو التهدئة التلقائية ، ومن ثم الوقوع
تدريجياً في دائرة الإحراج ، بدءً من الناس الحاضرين أو منك أنت المكروه ..
(more…)

 الضيف بروح بس بده طولة روح ..

ما بزورك الا اللي بحبك ..

هذه جمل من احنا صغار و احنا بنسمعها من امي .. و  غيرها  من الجمل و العبارات .. بسبب تذمرنا من كثره ضيوفنا .. جميل ان يكون بيت الشخص عامرا دائما و مضيوفا .. بس اشي و منه .. في فتره من فتراته كان بيتنا كالمزار .. وتذمرنا كان يزيد مع  القيود التى يجب الالتزام بها فتره استضافتنا للناس ..

 المهم..

سارللي فتره لم اكتب او انزل اي موضوع جديد بسبب انشغالي بأكثر من شئ .. احدهما اني التزمت بوظيفه مدربه فوتوشوب لمده اسبوعين بمعهد تدريب  .. وكانوا اطول اسبوعين بحياتي  حمد لله خلصوا امبارح .. 

و السبب الاخر اللي بسببه كتبت المقدمه وهو ضيفه زارتنا لمده 6 ايام .. كان اخرهم مبارح باليل .. الضيفه كان اختي اللى اغتنمت فرضه سفر زوجها لتزورنا .. مع العلم انها من سكان الرياض .. لكنها تزورنا بالمناسبات السعيده .. و لمده يوم و ليله لا اكثر .. بسبب عمل زوجها ..

و مع انها اختى .. و قبل عام كانت من اهل البيت .. الا انها الآن تزوه كضيفه .. و تكون معززه و مكرمه .. و تبلش الكل بطلباتها اللي إلها أول ما إلها آخر ..
(more…)

بنسمع انه في فصل الشتاء تتساقط الامطار و الثلوج .. الامطار عرفناها بس الثلوح ما نالنا الشرف لسا..

 فمن احنا صغار ..  بس نسأل اهلي ايش هوه التلج و كيف شكله .. بيوصفوه كإنه خيال .. اشي رائع  .. و بالذات كيف كانو يلعبوا فيه و يرموا على بعض .. و يعملوا بني أدمين فيه … و من هالحكي اللي بنشوفه بالتلفزيون ..

من  ورا حكيهم حفظنا اغنيه ..  (( تلج تلج .. عم بتشتي الدنيا تلج )) .. و ضلينا نستنى اليوم اللي حنشوف فيه التلج ..

و لما تخرجت من المدرسه و تقدرلي اني ادرس جامعه بالاردن و اعيش هناك  هاي الاربع سنين .. و بدخول فصل الشتاء - اللي كان نهائيا مو زي ما انا متخيلته - كنت بفكر انه برد السعوديه برد .. طلع لعب ولاد صغار مقارنه بالبرد اللي هناك ..

عشت اجمل و أصعب اربع سنين بحياني في بلدي الأردن .. خلال فتره الجامعة ..

 كنت متأمله بهاي الاربع سنين اني اعوض اللي فاتني و اعرف اكتر عن بلدي و عن جوها و عن ناسها .. بحكم اني من مواليد السعوديه ..

المهم اني بأول سنه انتظرت  من اول فصل الشتاء الي نهايته و ما نزل ثلج .. و السنه اللي بعديها ما نزل ثلج محل ما انا ساكنه نزل في منطقه تبعد ساعه عن مكان اقامتي .. و بحكم انه كانت  الطرق مغلقه ما قدرت اني اشوفه و لا اشم ريحته  الا على التلفزيون .. و السنه اللي بعديها نزل ثلج بالفتره اللي كنت جايه فيها اجازه عند اهلي على السعوديه .. يعني ما شفته كمان .. و السنه اللي بعديها نزل ثلج كمان و انا بإجازه  بالسعوديه.. و خلصو الاربع سنين و رجعت عند اهلي بدون ما اشوف الثلج..

 و بشتويه السنه الرابعه اجا اخوي عالاردن  يزورني .. متأمل انه يشوف الثلج  .. بس ما نابه من الزياره الا انه مات من البرد و روح برشح و زكام  و حراره و انفلونزه ..

 ايش الحظ هادا ما بعرف .. يمكن مكتوبللي ما اشوفه الا على التلفزيون .. اكيد ..

بالمناسبه كتبت هادا الحكي لانه سارلها من الصبح و للمره الثانيه هاي الشتويه بينزل ثلج على البلد .. انا وظيفتي اني اتفرج عليه بالتلفزيون و  استقبل مسجات من اهل الاردن بفرحهم بالضيف الابيض و بالعطل الرسميه من المدارس و الجامعات و الشركات  اللي بتلازمه..

و مازلت انتظر ذلك اليوم اللي حمسك فيه قطعه ثلج رباني،من الله .. مو من الفريزر..

يوماً ما..

الحياه جميله .. ما بدها حكي ..

و لا بعد 100 سنه رح  يتقبل الشعب السعودي انه البنت تسوق السياره …

 ( بما اني ساكنه بسكن - كمباوند- .. و بفضل كثره الاجانب اللي فيه.. فمسموح للنساء انها تسوق ضمن حدود السكن  ) ..

اللي صارمن يومين الصبح اني رحت اوصل اخوي الصغير على المدرسه.. اخوي بسادس ابتدائي .. فبخليني انزله بعيد عن البوابه يمكن 10 متر بحجة اني  ما ادخل بزحمه السيارات وبس اكيد الواقع  انه بينحرج انه اخته بتوصله على المدرسه .. و لاسيما انها مدرسه من ابتدائي لثانوي .. و بنفس الوقت هوه اللي بصحينى علشان اوصلهاذا مافي  خيارات ثانيه بالبيت توصله غيري .. او ما حدا بيعطيه وجه .. الكل بده ينام .. و اهلي ما عندهم مشكله اني اوصله لانه بلاقي بنات غيري او امهات  جايين بالسياره يوصلو ولادهم على المدرسه .. 

المهم اللي صار اليوم تقريبا مثل اللي بسير كل مره بوصله فيها على المدرسه .. الشعب اللي حولي سواءا من السواقين الهنود او من الناس اللي اول مره بيشوفوا بنت مكشفه وجهها و كمان بتسوق سياره .. ما بخلوا حدا بحاله ..

انواع الازعاجات كلها و الزوامير بسمعها… واقفه على تقاطع و الطريق مش فاضي حتى امر و مع ذلك اسمع اكتر من زامور جاي من وراي ليش .. الطريق مش فاضي .. الدنيا أزمه  ..  مش مشكلتهم  انه الدنيا ازمه مشكلتهم انه في بنت قدامهم بتسوق ..  
(more…)

بقولوا انه الابتسامة أفضل وأصعب من الضحك..

لأن الابتسامة هي رد فعل للسرور، بينما الضحك هو رد فعل للألم أحياناً، 

والابتسامة هي فعل إرادة واقتناع وقناعة ورضا، أما الضحكة فهي تتفجر للحظة أو لحظات كما يتفجر البالون، وما تلبث أن تتلاشى،

وأنا من أشد المؤيدين للابتسامة البريئة ومن أشد المحبين للضحكة غير المبتذلة.

 يقول بعض خبراء علم النفس، إنك إذا لم تضحك لنكتة أو تهتز لها بعد أن ضحك منها الآخرون، فلا بد أن تراجع الطبيب الاختصاصي بالطب النفسي،

لأن خلايا الضحك والسرور التي تستقر في النصف الأيمن من الدماغ يكون قد أصابها التلف .

(more…)

عزيزي المار:-اضحك تضحك لك الدنيا

قالو ان الضحك هو الربح الذي تتقاضاه فورا وليس مؤجلا من الحياة

وياقل ما نتقاضاه من الحياة على الفور..

وقالو اذا كنت ما زلت قادرا على الابتسام فان الامور سوف تتحسن حتما..

وقالو انظر الى وجه البقرة قبل ان تحلبها..

لكن هل كنت تعلم ان للضحك كل ما سياتي من الفوائد؟؟

1- الفكاهة تذيب الفوارق بين الطبقات

2-عندما يضحك الانسان يكون اكثر قدرة على البذل والعطاء مما لوكان متجهما

3-يقوي الضحك الروابط الاجتماعية بين الناس ويزيل الغضب والعدوان

4- يقوي الضحك جهاز المناعة لدى الانسان فيقاوم الامراض الجسمية ويعالج الامراض النفسية مثل القلق والتوتر والاكتئاب

5- ينشط الضحك خلايا المخ فيجعل الانسان قادرا على اداء عمله بشكل متقن

6- يهيئ الضحك للجسم الاسترخاء العضلي

7- وربما من اطرف فوائد الضحك انه يحقق التوازن العاطفي لدى الفرد

فاذا كان ماتقدم هو فوائد الضحك فان هناك علامات على طريق الضحك لابد من الاشارة اليها..

1- لاتبكي حتى لا يضحك عليك الاخرون واذا ضحكو منك فاضحك معهم

2- ان اجمل ضحكة هي التي تعقب مباشرة البكاء الطويل

3- انا اضحك اذا انا موجود

(more…)

اليوم الله رضي على و رحت على درس دين.. سارلي فتره منيحه ما حضرت اي دروس ..

كنا انا و امي من اوائل الحضور .. لذا لفت نظري شئ غريب بالموجودين .. صمت و هدوء و حتى ان واحده منهم كانت عيونها منفخه من كثر البكاء..

 بعد السلام فهمت الموضوع ..

كان الجميع متأثر بما حدث في غزه من مستجدات ..من  قطع الكهرباء عن كامل المدينه و زياده عدد المتضررين من الانقطاع  بالذات في المستشفيات ..

صراحه انا ما كان عندي خبر نهائيا بالموضوع .. اولا لأني لست من متابعي التلفاز بالاضافه الي انه اذا فتحت امي - الله يرضى عليها - قنواتها المفضله - كإقرأ و الاقصى - انسحب من الجلسه .. الله يهديني و اياكم اجمعين ..

الدرس كان فعلا قمه في الروعه.. و لا سيما انني كنت من القله القلائل في الجلسه من غير الاصول الفلسطينيه .. فكانت  بعض المعلومات و الوقائع التى ذكرت عن فلسطين و غزه بالذات  اسمعها لأول مره ..

فكل واحده من الحاضرات بدأت بسرد احداث اخر زياره لها لفلسطين .. و اوضاع الناس هناك على مرأى عبنها.. فعلا قصص مؤثره تسمع من الناس لا على التلفاز ..

المهم حولت المحاضِره  موضوع  الدرس الى الحديث عن اقل  واجباتنا تجاه فلسطين و العراق ..
(more…)

فعلا العقل الباطن علم بحد ذاته

هذه معلومات من  سلسلة السيطرة والبرمجة العصبية” لـ امتياز نادر
حبيت افيد الجميع فيها..

طرق عمليه في الشفاء عن طريق العقل الباطن

طريقه سريعه لتلقيح عقلك الباطن:
تكمن هذه الطريقة في حث العقل الباطن على تبني وتلقي طلبكم كما هو مرسل من عقلكم الواعي وتتحقق هذه الطريقة على اكمل وجه من خلال حالة حلم اليقظة والاستغراق في التفكير في الحلم عليكم آن تفكروا بهدوء فيما تريدونه وشاهدوه وسيتحقق سريعا سوف أعطيكم مثال لتفهموا هذه الطريقة كان هناك فتاة أصيبت بالاحتقان في الحلق وكحة, أعلنت بثبات وتكرار في نفسها آن الاحتقان يزول ألان إنني أتخلص من الاحتقان وقد زال الاحتقان بعد ساعة من الزمن.

العلم واداء الصلاة والصدقه:
الدين هو طريقك ومنهاجك والعلم والمعرفة هما الاستجابة المحددة من جانب العقل المبدع لفكرتك
إذا كان عليك آن تحصل على ما تريد ينتقل عقلك من الفكرة إلى الشيء ,وإذا لم يكن يوجد من البداية صوره ذهنية في العقل فانه لا يستطيع آن ينتقل, هذا التأمل يجب آن يصحبه شعور بالسعادة والاطمئنان عند توقع تحقيق شيء مؤكد لرغبتك.
(more…)

ماإلي بالقصر غير من مبارح العصر… مثل انحكى لي لما اصدرت قرار ترك وظيفتي الجديده..

تركت الوظيفه اللي كنت فرحانه عليها قبل اسبوع .. ما الي نصيب فيها ..

و المشكله اني ما لحقت اتهنى ..

 بس اهم اشي الراحه و انا ما ارتحت نهائيا فيها .. الظروف اللي تركت عشانها كانت خارجه عن ارادتي ..

تفاصيلها في   مدونتى الثانيه

الله ييسرلي غيرها ..

 الحياه مازالت جميله..