على سيره الحياه و الموت .. الله يرضى علينا و يديم النعمه ..
هادا برمضان اشترينا همسترين … حكيت عنهم ب همسترانا و الجيل الثاني و الثالث من همسترانتا و الملحمه الهمستريه ..
الهمسترين تنج من تزاوجهم قبيله وصل عدد افرادها ل 19 همستر ..
و حتى فتره قبل الظهيره من يوم 28-2-2008 كان ضايل منهم واحد .. يصارع و يناضل من اجل الحياه ..
و بحلول المساء كان قد انتهى عمره .. و حان أجله ..
بعد حلقه الملحمه الهمستريه .. و الفاجعه و المناظر اللي شفتها .. تعودت على شوفت هامستر مقلوب على ظهره و فاتح تمه .. و على سماع جمله ” أسامه في همستر مات تعال شيله من القفص بلاش اخوانه ياكلوه ” اسامه هو الصغير صاحب الهمسترات .. له مكان مخصص بالحديقه بيدفن فيه الهمسترات الميته اذا ما كانت مأكول منها اشي .. غير هيك بيرموها للبسس ..
ما بعرف ليش سار يموت واحد ورا الثاني .. يمكن علشانهم حيوانات نباتيه و بما انهم ساروا يأكلو اي واحد مات منهم فمعدتهم ما واتاها اكل اللحم .. ولأنه كمان من اخر ملحمه سووها انقطع خلفهم .. يعني مده شهرين تقريبا ما خلفوا ,, مع انع في البدايه ما كنا ملحقين عليهم .. ” بالمناسبه اخوي فرر انه يسير بيطري بس يكبر .. من كثر المعلومات الجديده اللي عرفها عن الحيوانات وتناسلها و أمراضها بهاي الفتره ..
المهم انه باع و وزع لصحابه 7 من الباقيين و 4 مم ال 7 خلال يومين بالكثير كان اصحابهم الجداد يرجعوهم بحكم انه اهلهم رافضين وجودهم بالبيت .. مش كل الاهل ديمقراطيين زي اهلي ..
صراحه بفتقدلهم .. كانو مسويين حركه بالبيت و ازعاج ليس له مثيل و بالذات في شهر يناير… كانت هوشاتهم يشهد لها بالبنان .. و بحكم انهم كانو موجودين و مستقررين بغرفه المكتب .. كان لهم 3 اقفاص واحد منهم زجاجي كبير (فصلناه تفصيل غلشان يكفيهم و عملنا فيه فواصل ) .. الغرفه تغير اسمها لمده 4 شهور و شوي - ليصبح ” غرفه الهمسنرات “ .. و بعد ما ماتو الهمسترات سار اسمها ” غرفه الهمسترات سابقا ” .. ما بعرف متى حيرجع اسمها “غرفه المكتب” ..
(more…)
مارس 1, 2008
.. ما سأتكلم عنه الان هو آخر المستجدات من قصه هامسترانتا
.. قبل اسبوع.. يوم الاربعاء الماضي
كان يوما استثنائي بكل معنى الكلمه بالنسبه لي .. كسرت فيه روتيني اليومي بدايه بإستيقاظي باكرا ( على 11 الظهر) - بما اني حاليا عاطله عن العمل و اتمسك بوظيفه مساعد قاعد بكل مما اوتيت من قوه.. الله يريحني منها
المهم .. ما حدث هو سماعي لصرخات تأتي من بعيد و انا في غرفتي .. الصرخات كانت من الخادمه .. لم افهم كثيرا من ما قيل سوى كلمتين ( هامستر و دم ) فهرولت مسرعه الى غرفه الهمسترات
.. لممعلوميه هامسترانتا عايشين في غرفه المكتب.. انسب مكان لقيناه
المهم تقصيت الموضوع وجدت ان همسترات الجيل الثاني ال(9) كانو يتشاجرون و واحده من الاناثي مضروبه ضربه قويه على انفها و صدرها ..و بالتالي كانت تنزف .. ..صراحه منظر محزن و مقزز في نفس الوقت
(more…)
يناير 9, 2008
الهمستر حيوان لطيف أليف و من اجمل و اروع ما رأت عيني..مع اني مازلت اناديهم - فيران - و اجد كلمه هامستر لا تليق عليهم
في التدوينه السابقه نوهت على ان الانثى خلفت 5 اطفال.. في بدايه حياتهم يكونون عباره عن قطعه لحم مقرفه.. لكن مع تطورهم يصبحون شئ رائع جدا..قمه في اللطف و الجمال..سبحان الخالق
(more…)
يناير 6, 2008
ليست من هواياتي و لامن ميولي و لا من الشغلات اللى احبها لمس اي قطه او ارنب أوطائر أو اي حيوان اليف شو ماكان يكون
إلى ان جاء اليوم اللي رحت فيه كالعاده زياره بريئه بغرض النظر لا الشراء على محل بيع الحيوانات مع اخي الصغير.. المحل متعوده اشتري منه سمك للزينه
و بالمناسبه عنا سمكه سار عمرها اكثر من سنه و لسا مو راضيه تموت.. و من خبرتي في تربية الاسماك انها بتعيش على الاكثر شهرين و بتموت .. بالزمنات ماتت عندي سمكه من اول يوم اشتريتها.. و حاليا السمكه اللي عنا مو راضيه تموت رغم ظروف العذاب من جوع و نقص موارد غذائيه و ماء احيانا اللي مرت فيها.. سبحان الله ..اكتشفنا انه إلها عمر..فقررنا نرجع نعاملها بإحترام و فاشترينا حوض جديد و نحرص على تنظيفه بإستمرار و تزويدها بما يلزمها من سبل المعيشه
المهم. و نحن في محل الحيوانات .. كعادته اخي بلش يزن على راسي انه يأمل و يتمنى و يطمح يكون عنده همستر أو سلحفاه أو ضفدع أوفأر أو حتى قطه ( طبعا القطه مكنسل عليها لأنه عندنا كومه بسس عايشين بره بيتجمعو عند بيتنا بعد الغدا علشان العظام)..
و الضفدع مقرف فكمان حذف من القائمه
(more…)
يناير 5, 2008
