وصلني هالواجب قبل أكمن يوم محوّل من جندبي وهو كما يسميه البعض واجب ال 6 أسرار و في ناس سمته واجب الفضايح .. مش عارفه ليش هيك سموه .. يمكن بحكم ان الاسرار فضايح .. مع اني ما بعتبرها فضايح ..
المهم الواجب عنوانه أذكر 6 أسرار قد لا يكتشفها من يقابلك أول مرة ..
قوانين الواجب:
- أذكر اسم من طلب منك حل هذا الواجب.
- أذكر القوانين المتعلقة بهذا الواجب.
- تحدث عن ستة أسرار قد لا يكتشفها من يقابلك للمرة الأولى.
- حول هذا الواجب إلى ستة مدونين، وأذكر أسماءهم مع روابط مدوناتهم في موضوعك.
- اترك تعليق في مدونة من حولت الواجب عليهم، ليعلموا عن هذا الواجب.
الحل ..
1. اني كتير نسّاي بنسى أماكن الاشياء .. بس بنفس الوقت حريصة زيادة .. يعني من شدة حرصى بخبي الاشياء اللي بتهمني بأماكن غربية لدرجه اني بضيّع وين حطيتها .. فمثلا في سنه من السنوات ايام الجامعه اشتريت تذكرة السفر قبل فتره شهرين من سفري .. علشان ما اضيعها حطيتها في مكان ما و لما اجا وقت السفر قلبت عليها الدنيا وما لقيتها واضطريت اني اشتري تذكره ثانية .. و بعدها بتقريبا سنه لقيت التذكره داخل مغلف اللي فيه صوره اشعة لأسناني .. ما بعرف ليش حطيتها هناك ..
و بالمناسبة حاليا في 3 تذاكر طياره ضايعين .. و سفرنا بعد اسبوعين .. هاي الحق مو علىّ لإنهم ضاعوا مع الترحيل و النقل .. بس لازم نلاقيهم بسرعة..
بس الحمد لله دايما بلاقي الأشياء.. يعننى بنسى وين حطيتها و بالاخر بلاقيها ..
2. عندي كمان عادة مش حلوة و اللي ما بيعرفني بيزعل منى .. و هي اني بنسى الاسماء .. لازم اربطها بشئ حتى اتذكرها .. و يمكن انساها كمان .. فلازم اكتبها علشان ما انساها .. في فتره من حياتي كنت ساكنه بشقه في سكن طالبات مع 4 بنات .. لزمني اكثر من شهر حتى احفظ اساميهم مع انهم كل يوم بوجهي .. و مبارح حاولت اتذكر اسم عيلة البنت اللي كانت ساكنه معي بنفس الغرفه و ماقدرت .. يعني كان بيننا خبز و ملح و ناسيه اسمها .. عنجد عيب .. فلازم اللي يتعامل معي يعذرني اذا ما تذكرت اسمة .. لإنه هالشغله حطتنى بمواقف محرجه لا احسد عليها .. عشان هيك هلأ في كل لقاء مع حدا جديد لازم اسجل اسمه كنوت في الجوال ..
و تابع للنسيان .. دايما بنسى ارد عالمسجات اللي بتيجيني أو اذا حدا تركلي 4 مسدكولز – كيف الدبلجه تمام - بنسى ارجع اتصل .. و الله مو تطنيش بس بنشغل وبعدين بنسى ..
3. حساسة و بزعل بسرعة ..
4.اللي بقلبي عراس لساني .. يعني اذا ما عجبني اشي علطول بحكية .. ما بخلي حدا بحالة .. واحيانا بحس ان لساني مفلوت منيّ .. و بندم علي شغلات حكيتها .. هاي الشغلة عاملتللي مشكلة عويصة .. اللي بدوا يتعامل معي فرصه يعرف هادا الاشي ..
5. برجي الثور يعني عصبية و عنيدة .. .
6. و اخيرا.. اني الى هذه اللحظه .. شهر 6 و بالسعودية يعني صيف .. الصيف .. و ما بقدر انام الا بجاكيت و حرام مو خفيف .. و بالبيت بتمشى و الجكيت معي علشان اول ما ابرد ألبسة ..
وصلى الله و بارك ..
و اكيد اي حدا حاب يشعبر عن مكنوناته و بنشر غسيله فليتفضل و يجاوب ..
,, وبالنسبة لأغراضي لمن أحطها وأنسآها ,, صرت اخبر اماكنها صاحبتي ولو نسيت اسألها ؛)
)
June 18, 2008 at 11:46 am
النسيان و ما أدراك ما النسيان معي
بجد بنسى الأسماء وكثير من أصحابي لما بنسى أسمائهم بصير أنا أي اسم مثلاً (عبسي أو عباس أو حنفي أو أي اسم بيخطر على بالي من الأسماء العجيبة)
10/10 يا سمايل
تحياتي و تقديري