و انا بعمل جولتي الصباحية مع كباية الشاي الأخضر وبتفقد احوال الدنيا مر علىّ هالخبر اللي ما قدرت الا اني اكتب عنه …

وهو … انه في محروسة بالسعودية اعتقلتها الشرطة عشانها ساقت السيارة .. ما كانت طالعه تتمشى .. ولا تتعلم سواقه .. كانت تلبي نداء زوجها ..  ايش ذنبها اذا زوجها انقطع وانزنق واحتاج توصيله فأتصل فيها و طلب منها ..

اللي صار بإختصار ان الاخ الكريم – زوجها –  كان بحراج السيارات رايح زياره يغيير جوّ .. وهناك زبطت ونقشت معاه وباع سيارته اللي كان جاي فيها .. و المعرض – الحراج – بعيد حوالي عشرة كيلومتر عن بيته و مالقي تكاسي – المنطقة مقطوعه ومافي سوق للتكاسي هناك – ولا حدا فاضيله يوصله .. و طبعا ما رح يتعب حاله و يروح مشي مع الجو الربيعي السياحي في تلك المنطقة ..

 فإستنجد المدلل بزوجته ودقلها تلفون تيجيه .. مع علمه بالقواعد و القوانين الصارمه المتعلقة بهالشغله بالذات …  وهي بدورها ما قصرت و قالت: ” تم ، أنا أخت الرجال و رح اجي اجيبك، كله ولا تتشنطط ابن عمي ” و لبست هالعباي وشمرت عن ساعديها ، ركبت الجمس ال”يوكون” وتوكلت على ربها وقالت ياهادي  - و طلعت على راسها – فمسكتها الشرطة قرب الحراج متلبسة بالجرم المشهود ..

وأحيلت مخالفة “السائقة – المحروسة من العين “ إلى جهة الاختصاص التي أخلت سبيلها بعد الحصول على تعهد مماثل من ولي أمرها، تلتزم بموجبه بعدم معاودة قيادة السيارة ….

 و تخيلت نفسي مكان هالمسكينه … ولا سيما اني عندي تحفظات عهالموضوع و رح تطلع روحي منه، تطرقتلها ب ” ولا بعد 100 سنة “ ….

وعشان تزيد مصيتها لهالحزينه كتبوا عنها …. بالعربية للأخبار 

  الله يحفظنا اجمعين ويديم علينا العقل و ما وحده تتهور و تعمل زيها .. مش ناقصنا خرابان بيوت ..