على سيره الحياه و الموت ..  الله يرضى علينا و يديم النعمه

 هادا برمضان اشترينا همسترين … حكيت عنهم ب همسترانا  و  الجيل الثاني و الثالث من همسترانتا  و  الملحمه الهمستريه 

الهمسترين تنج من تزاوجهم قبيله وصل عدد افرادها ل 19 همستر

و حتى فتره قبل الظهيره من يوم 28-2-2008  كان ضايل منهم واحد .. يصارع و يناضل من اجل الحياه

و بحلول المساء كان قد انتهى عمره .. و حان أجله

بعد حلقه  الملحمه الهمستريه .. و الفاجعه و المناظر اللي شفتها .. تعودت على شوفت هامستر مقلوب على ظهره و فاتح تمه .. و على سماع جمله ” أسامه في همستر مات تعال شيله من القفص بلاش اخوانه ياكلوه ” اسامه هو الصغير صاحب الهمسترات .. له مكان مخصص بالحديقه بيدفن فيه الهمسترات الميته اذا ما كانت مأكول منها اشي .. غير هيك بيرموها للبسس

ما بعرف ليش سار يموت واحد ورا الثاني .. يمكن علشانهم حيوانات نباتيه و بما انهم ساروا يأكلو اي واحد مات منهم  فمعدتهم ما واتاها اكل اللحم .. ولأنه كمان من اخر ملحمه سووها انقطع خلفهم .. يعني مده شهرين تقريبا ما خلفوا ,, مع انع في البدايه ما كنا ملحقين عليهم .. ” بالمناسبه اخوي فرر انه يسير بيطري بس يكبر .. من كثر المعلومات الجديده  اللي عرفها عن الحيوانات وتناسلها و  أمراضها بهاي الفتره ..

 المهم انه باع و وزع لصحابه 7 من الباقيين و 4 مم ال 7 خلال يومين بالكثير كان اصحابهم الجداد يرجعوهم بحكم انه اهلهم رافضين وجودهم بالبيت .. مش كل الاهل ديمقراطيين زي اهلي

صراحه بفتقدلهم .. كانو مسويين حركه بالبيت و ازعاج ليس له مثيل و بالذات في شهر يناير… كانت هوشاتهم يشهد لها بالبنان .. و بحكم انهم كانو موجودين و مستقررين بغرفه المكتب .. كان لهم 3 اقفاص واحد منهم زجاجي كبير (فصلناه تفصيل غلشان يكفيهم و عملنا فيه فواصل ) .. الغرفه تغير اسمها لمده 4 شهور و شوي – ليصبح  ” غرفه الهمسنرات “ .. و بعد ما ماتو الهمسترات سار اسمها ” غرفه الهمسترات سابقا ” .. ما بعرف متى حيرجع اسمها “غرفه المكتب”

فعلا اشتاق لهم .. مع اني كنت من اقل المهتمين بهم .. فهناك اربعه غيري يعتبرونهم زي ولادهم .. و بالذات “مالا” الخادمه – كانت تعتبرهم اعز من ولادها و اذا فقدناها بالبيت نجدها بتطعمي الهمسترات او بتلعب معهم .. بحكم انها فاضيه أشغال معظم الوقت ..

اليوم امي - الله يرضى عليها - دخلت على ” غرفه الهمسترات سابقا “ عملت وقفه على الاطلال لما شاقفت كيس – نشاره الخشب – الجديد مو مستخدم منه اشي ..” نشاره الخشب بنحطها بأرضية الافقاص ” .. سارت تتزكر أيامهم و اصواتهم و همه بيتهاوشوا و منظرهم و هم بردانين او نايمين .. عنجد انها كانت كتير بتحبهم .. كنت انا يشتغل على الكمبيوتر و مبلوشه بشغله .. بس اضطريت اترك شغلى و أواسها شوي

 

 

 

 

 هادا اللي ضايل من اطلالهم .. اخوي بدأ من اول ما مات آخر همستر بتوزيع عدتهم و اغراضهم من ألعاب و مراجيع أو دواليب زي ما بسموها .. و واحد من الاقفاص ما بعرف لمين اعطاه .. حتى الأكل تبعهم – بزر بدون ملح – اعطاه لصاحبه عنده هامستر ..

يمكن البعض يلافي الموضوع مش محرز كل هالحكي .. و انها مجرد قوارض تشبه الفأر الي حد ما .. الاغلبيه بيقرفو يتفرجوا فيها مو بس يمسكوها ..  بس عنجد إلها وحشه

و دمتم سالمين