SmileFirst 2

14 Comments Add your own

• 1. سامي منصور  |  فبراير 16, 2008 at 6:00 م

  ههههههههههههههههههههههههههه
  زكرتيني بالذي مضى
  و الله كانت تقوم الحرب العالمية الخامسة بالبيت ايام ما كنا بالمدارس …
  الله يسعدها امي …. و الله ما كانت تخلينا … و بالأخير تيأس مننا و تتركنا و تصير هي تضب أغراضنا
  وعلى حكاية الشعر صدقيني مرحلة بتعدي … أيام ما كنت بالاعدادي كنت معجب بحالي كثير و انا مربي شعري من ورى لحد ما اجت الامتحانات و تحلف لي مدرس اني ما ادخل امتحان الا لما اقصه و فعلاً قصيته و انا زي التوتو …. و بالتوجيهي ربيته من فوق (كنت معجب بلاعب في البلاي ستيشن 1 بلعبة Taken3 اسمه Paul ) فكنت اقصه من الجنب و أخليه طويل من فوق بشكل غبي و مقزز لحد ما اقتنعت و صرت اقصه بشكل كلاسيك ومن هذيك الأيام لحد الآن و هو نفس الشي قصير
  بجد والله كانت حرب بيني و بين المدرسين في المدرسة و بيني و بين ابوي و امي بالبيت لما اروح …

  فمثل ما حكيتلك انها فترة ولدنة وبتعدي

  الله يعينكم

• 2. smilefirst  |  فبراير 16, 2008 at 6:14 م

  منيح طمنتني انو الحرب العالميه الخامسه بتسير عند ناس غيرنا,,

  حبيتها زي التوتو ..هادا اتاريك كاين شب فايع و حلو من الآخر..

  الله بيعت لأخوي حدا يكسرلو راسو و يمشيه زي التوتو.. بما انه اهلي مش قادرين عليه..

  و اكيد مرحله و بتعدي.. لانو اخوي اللي اكبر منه برضه كان مطول شعره .. لسا هداك كان بيفرقه من النص.. عنجد ما بعرف مين كان يقله انه حلو.. بس الحمد الله ما فضحنا و اول ما دخل الجامعه حلقه زي البنيأدمين..

  اهلين سامي

• 3. Exganza  |  فبراير 16, 2008 at 8:34 م

  هههههههههههههه
  شوفي يا سمايل .. الشعر الطويل الآن صاير موضه، واقدر اقول اتعس انواع الشعر الطويل يسمى بـ “كدش” منظر غبي تشوفي واحد شعره هيك تفكريه نخله غير مكتمله النمو :p
  انا اتفق مع سامي هي مرحله وتعدي .. بس في الزمن هذا ربما تعدي بعد زمن طويل لأنها موضه حاليا ،،
  الله يرحم ايام كنت ماحلق شعري مش من شان بطوله .. بس اهمااااال مني
  استغغفر الله كل مافتكر شكلي زمان اتذكر “يهود اليمن” ههههههههه
  معليشش على الوصف
  : )

• 4. حلمي معي  |  فبراير 16, 2008 at 9:03 م

  انا صراحه ما اتقبل الشهر الطويل على الولد
  اكره اشوفه كذا ما ادري
  احس شكله يصير مو مرتب

• 5. Alloush  |  فبراير 17, 2008 at 2:03 ص

  بيصير، طولي بالك عليه، هو بمرحلة مراهقة مو أكتر .

  ذكرتيني بأيام مدرستي، أنا في زماني كان في شي اسمو تربية عسكرية، وكان عنا مدرب عسكرية.

  مافي شي اسمو اعتراض، كان عنا مبدأ، نفذ ثم اعترض..ههه.

  ما حدا كان يسترجي يخالف، وإلا زحفة البطة على طول ساحة المدرسة تحت المطر مصيره..ههه

  طبعاً من سنة 2003 تم الغاء مادة التربية العسكرية.

  ايه، زمن.

• 6. يــاســر  |  فبراير 17, 2008 at 8:16 ص

  الحمدلله انا من النوع اللي احب الشعر العادي

  لكن ان كان الشخص من ذوي الشعر الناعم فلا بأس

  وانا كان من ذوي الشعر الخشن .. مايحتاج ..

• 7. smilefirst  |  فبراير 17, 2008 at 10:42 ص

  Exganza ..

  موضه طيب .. بس مش حلوه.. و مو لابقه على الكل ..
  و اظن اني عرفت ما يسمى ب : كدش: لإنه اخوي - الله يرضى عليه - كل يوم بيتفنن بشغره و بينفشه بطريقه ابشع من اليوم اللي قبله..

• 8. smilefirst  |  فبراير 17, 2008 at 10:44 ص

  حلمي معي ..

  حكيك مافي اثنين بيختلفو عليه …
  منظر غير حضاري و مو مرتب اكيد..

• 9. smilefirst  |  فبراير 17, 2008 at 10:51 ص

  Alloush ..

  عجبتني ” نفذ ثم اعترض ” احيانا بيحكولنا هيك بالبيت.. بس احنا بنعترض و ما بننفذ او بننفذ بعد طحشه اعتراضات..

  عم تحكي.. ايه زمن.. كإنه من 20, 15 سنه .. كلهم 6 سنين.. بس سوو العجايب هالكمن سنه..
  بس احكي على وقتنا كان و على وقتهم صار.. بين وقتنا و وقتهم 6 سنين بس.. كيف بتفرق الدنيا..

  علوش .. افهم انك ما جربت الشعر الطويل…
  ياحرام.. راح عليك نص عمرك

• 10. smilefirst  |  فبراير 17, 2008 at 11:05 ص

  يــاســر..

  و الله شعر ناعم و الا مش ناعم ما يحتاج.. انا اخوي الصغير شعره ناعم و مطوله و الثاني شعره خشن و مطوله كمان و الاثنين مناظرهم مصيبه..
  صح انع الناعم اهون شوي.. بس برضه مبدأ الشعر الطويل على الشب مرفوض نهائيا..
  ايش خللو للبنات

• 11. سامي منصور  |  فبراير 18, 2008 at 12:36 م

  هههههههههههههههه على سيرة الكدش
  هاد ابن خالتي درس معي سنة بالجامعه انا كنت تخرج و هو لساته سنفور .. فالمهم كان مسوي شعره كدش ….
  ومرات يروح عند صالون (توني اللي بعبدون) عشان يضربه كهربا 220 فولت يوقف له شعره … لوووووووووووووول
  المهم مرة كنت مروح على بيتي فميلت على الدكان اللي جنب بيتي فسألني صاحب الدكان شو أخبارك و شو أخبار أسبوع الشجرة ؟؟
  بصراحة ما فهمتش هاد المصطلح (أسبوع الشجرة) فسألته عنه فحكالي إنه بيقصد ابن خالتي … ومن يومها و انا معلقة معي أسبوع الشجرة ….
  بتعرفي موضة السبايكي … تخيلي كانو أغلب الشباب معي بالجامعة و كمان ابن خالتي يروحو بنهاية الأسبوع على صالون (توني) عشان موضوع السبايكي (كهربا 220 فولت) لو إنهم ياخدوها بالبيت كان أحسن و أرخص …. وشرطك سعر التسريحة هاي 5 دنانير … يعني مش رخيصة بالنسبة لطالب جامعه … كان في واحد من أصحابي ما يجي على الجامعه الا وهو مضروب كهربا …. فمرة كان في جزء بسيط مش واقف …. فسألته (الظاهر انه الكهربا اللي اخذتها 110 هاي المرة لوووووووول )
  ويا عجبي بس
  يعني كنت انا بمرحلة ولدنة و مراهقة لما كنت أطول شعري وصدقيني بديت أقصره من سنة 98 …. مش عارف ليش معلقة مع شباب هاي الأيام والمشكلة بتلاقي الشب عمره 22 أقل شي ولسه بيدور على الستايل و كيف يصير ولد كووووول
  على فكرة أنا من أشد الكارهين لهالمصطلح

  معلش طولنا
  تحياتي و تقديري

• 12. عمر أيمن  |  فبراير 19, 2008 at 5:50 م

  جميلة جدا التدوينة , واعتذر لغيابي فترة عن المدونة الجميلة

  انا اشتاق لأول يوم بالدراسة , حيث أعتدت اني يصيبني الأرق لأني بعد 8 ساعات سوف اشاهد زملائي مرة أخرى بعد انقطاع شهور

  بارك الله فيك

• 13. FaRaH M  |  فبراير 23, 2008 at 5:27 ص

  ههههههههههههههههه

  لدرجة من كتر شو كرهت الشعر الطويل .. صرت ما حب شكل الشب غير حالق علزيرو …

  هيك احسن واحلى @@

  شكراً سمايل .. طولي بالك فترة وبتعدي …

• 14. smilefirst  |  فبراير 23, 2008 at 1:48 م

  سامي يوسف..

  اسبوع الشجره .. ما بعرف كيف بكون شعورعم لما يتفرجوا بالمرايه.. اكيد بحسو انهم احلى الناس..
  بس برأيي السبايكي ماشي حاله.. في ناس بيطلع عليهم حلو..

  عمر ايمن..

  اهلين فيك.. اول يوم مدرسه .. كان يوم جميل بالنسبه لإلي كمان.. يمكن لإني كنت طالبه نجيبه زياده عن اللزوم.. و اكيد لانه الواحد بيشتاق لشوفه الناس بعد غياب….

  فرح..

  بإجماع الاغلبيه بيكره الشعر الطويل مع انه الاغلبيه العظمى التانين شعرهم طويل..

  اهلين بالجميع و اسفه على التأخر بالرد..

Leave a Comment

Some HTML allowed:
<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Trackback this post  |  Subscribe to the comments via RSS Feed