SmileFirst 2

احيانا الواحد بيتخد قرارات .. بيندم عليها بعد فتره ..  و لكن هل في ناس بتدم على القرار بلحظته و هو بيتخده بكون ندمان  ..

 أنا..

قبل دقائق اجاني اتصال انه صححللي وظيفه في الجامعه العربيه المفتوحه - فرع الشرقيه - كمدربه حاسب آلي .. و الوظيفه مضمونه ببركه فيتامين (و) .. انا اعتذرت عن  الموضوع على التلفون .. بدون حتى ما آخذ فرصه افكر فيه .. مع انه اللى حكت معي من الجامعه .. سارت تحاول  تقنعني .. انا رافضه الموضوع نهائيا ..  ما في امل ..

بعرف انه خبره منيحه.. و بعرف انها فرصه رائعه لوحده عمرها 23 سنه انها تشتغل بجامعه ..  و انه اشي منيح ينكتب ب CV اللي فرصه انه يتعبى .. و مع ذلك رفضت  ..  بس لمجرد انه الوظيفه تدريس ..

 مع العلم انه قبل اسبوعين صحللي وظيفه كمان بمعهد تدريب كنت اشتغل فيه بالزمنات - مدربه انجليزي .. و رفضت .. مع ان الدوام بس ساعتين و حساب الراتب بالساعات .. يعني بآخر الشهر بيجيني اشي محرز .. و رفضت .. لمجرد ان الوظيفه تدريس .. 

 و بعدها بيومين اتصلو فيي من معهد ثاني .. اتصلو مرتين و مارجعت حكيت معهم ..

ما بعرف ايش العداوه اللي بيني و بين التدريس .. جربت اشتغل مدربه لمده 6 شهور تقريبا - غير متصله - و طلعت روحى .. و المشكله اني بعرف ادرس - الحمد لله- .. لدرجه انه المعهد بعد ما طلعت منه ( قبل 3 شهور ) طلبوني مرتين لهلأ  علشان  اعطي دورات ..

و حاليا لو دفعولي مال قارون ما برجع أدرس ..

و للمعلوميه انا ما بحكي لأهلى عن العروض اللي بتيجيني .. لإني بعرف اني حتبهدل ..

و الله اني مو حابه قعدتي بالبيت بوظيفه مساعد قاعد .. بس بفضل القعده بالبيت على التدريس ..

وضعي طبيعي و الا لأ ؟؟ هل ممكن يتلاقى ناس زيي .. بضيعوا فرص .. علشان قرار ..   

هل تعلم العلاقة بين عينيك ؟

  
فهما ترمشان معاً.

وتتحركان معاً .

وتبكيان معاً.

وتريا الأشياء معاً.

وتنامان معاَ.

ومع ذلك لا يرون بعضهم …… فيجب ان تكون الصداقه كذالك؟؟؟؟

فالحياة مثل الجحيم بلا اصدقاء  ….

اول يوم مدرسه.. بالنسبه لبيتنا .. حيويه  ونشاط .. و بسير فيه حركه تقتل السكون ابتداءا من الساعه الثانيه ظهرا..

 يعني عند باب البيت بتلاقي شنته مرميه.. و بغرفه الجلوس يتلاقي الشنته الثانيه مرميه على الكنباي او الارض .. و الجاكيتات على الارض .. و طبيعي تشوف الجرابات تحت الكنباي .. و تبدأ محاولات امي اليائسه -احيانا- بالطلب منهم انه كل اشي ينحط مكانه.. و لا حياه لمن تنادي .. و طبيعي وين ما كان موقعك بالبيت انك تسمع صراخات بالجمل  التاليه :

 ” ارفع جاكيتك عن الارض ، غير ملابسك قبل الغدا ، غسل ايديك و رجليك قبل ما تاكل ، شيل بوتك من الغرفه ، جراباتك مش هون مكانهم ..”  و غيرها من الجمل اللي بتنعاد ما لا يقل عن 3 مرات لكي تسمع بوضوح لإخواني..

الله يرحم أيامنا .. حكم دكتاتوري واجب التنفيذ .. اهلي كانو بصحتهم .. ما كان عندهم اشي اسمه دلال زي اللي بينعطى للصغار هلأ .. يعني كنا نعمل شويه معارضه و ما نرضى نرد .. بالإخر بنتبهدل و بنرد .. هلأ اخواني بيمرضوا اذا حطوا كل اشي بمكانه من اول مره ..

المهم بالموضوع ..

 اني شلت شنته اخوي - ثالث ثانوي - عن الكنباي علشان اقعد .. واذ بي انتبه انو الشنته فاضيه .. مافيها كتب .. و المفروض انهم سلموهم كتب الفصل الدراسي الثاني..

و لما سألناه .. قال انه ما اعطوه الكتب لإنه مخالف..

الله يرضى عليه - لابس جينز عالمدرسه و شعره طويل ..

 اول مره بعرف انه الجينز ممنوع بالمدارس…

(more…)

ابتسم ولاتمل… فابتسامتك تحول اللون الأسود لألوان الطيف المشرقة..

ابتسم فابتسامتك تبعث الأمل والسعادة في نفوس الآخرين..

ابتسم فابتسامتك تعني الكثير لمن يهتمون بأمرك..

ابتسم ولا تمل ، فالإبتسامة تغلق أبواب الهم وتضيء مصابيح الفرح في حياتنا..

ابتسم ولا تمل ليصبح الخريف ربيعا.. والليل المظلم صباحا مشرقا.. وتتحول الغربان لعصافير جميلة مغردة مبتهجة..

ابتسم فالإبتسامة تذيب الهموم والأحزان وتوقظ السعادة من سباتها ..

ابتسم فابتسامتك علامة الجودة في عالمنا المتعب..

ابتسم فكل الآلام لا يقرها سوى تبسمك..

ابتسم ولا تحرم نفسك الأجر بإدخال السرور على قلب أخيك..

ابتسم ويكفيك ان ترى الآخرين يبادلونك ابتسامة أعمق وأصدق..

(more…)

المحروس اخوي  سوا حادث بسيارته  من شهر تقريبا .. كان رايح على امتحان فاينل  و امام المسجد رايح علشان صلاه الظهر .. راحوا خبطوا ببعض ..

واحد بده يلحق الامتحان و الثاني الصلاه .. و المشكله سياره الامام لساتها جديده ما سارله اسبوع شاريها ..

الحمد لله الحق 100 % على امام المسجد .. 

 بالمناسبه اخوي متعتس و ما اله حظ .. من وقت ما اشترى السياره  و الخبطات بتيجيه وحده ورا الثانيه .. و اغلبهم الحق مو عليه .. الله يحرسه ..

المهم انه  لهذا اليوم السياره مو ناويه تتصلح و كل شوي بيطلع فيها اشي جديد ..

و ياحرام دفع اللي فوقه و تحته - طالب جامعه لافوقه و لا تحته - مش عارفه من وين مدبر حاله.. و فلوس التأمين موراضيه توصله..

و مبارح طلع السياره من الوكاله للمره الثانيه و طلع انها تحتاج قطع غيار ب 4000 ريال .. غير ال 2000  اللي دفعهم عليها قبل اسبوعين ..

و اليوم الظهر لما رجع من الورشه  معصب  من القطع اللي مش ملاقيها و من اسعارها .. بما انه التأمين قدر الضرر بسعر اقل من اللي دفعه المحروس لهاي اللحظه ..

و الطريف بالموضوع انه و هو بفاصل بالاسعار من واحد لواحد بالصناعيه علشان يلاقي الارخص و اذ بواحد منهم  بقول له ..

(( اذا سعر كيلو الرز ارتفع من  12  الى 21 ريال  فكيف اسعار القطع  )) … ظريف جدا …

فإضطر اخو ييشتري القطع - زي التوتو الشاطرين - بغض النظر عن السعر - و هو ساكت ..

ما بعرف مدى مصداقيه البياع مع موضوع غلاء سعر الرز .. و ال 21 و 21 .. بس  سبحان الله - سار كل اشي يتقارن مع اسعار الاكل ..

و بالمناسبه مبارح ابوي قبل الغدا ابدى ملاحظه انه الرز غليان ..

الله يديم النعمه و يعين الفقرا..

لو قام الذي يعاديك ويكرهك يوماً بذكر مساوئ ومعايب عنك أمام
الناس وفي حضورك ، ولكن من دون أن يشير إليك أو يذكر اسمك ،
فلا تقاومه وتدافع عن نفسك ، بل قم أنت بتأييده وانتقاد من به
تلك المساوئ أيضاً وكأنك لا تعلم أبداً أنك المقصود ،
وهو ما سيثير استغرابه .

حاول أن تجيب على تساؤلاته بالتطرق إلى موضوعات أخرى بعيدة
عن الموضوع ، فإن أصر على الموضوع وقام بتسميتك هذه المرة
وأنك المقصود ، فاظهر له استغرابك وأنك كنت تتوقع أن يكون
ذلك مزحاً ..

فإن رأيت إصرارا منه ، قم بتلطيف الأجواء عن طريق إجابات طريفة وسرد بعض النكات . وهذا ما سيعمل
على إغاظته وإثارته أكثر فأكثر ، فتكون نتيجة ذلك ظهوره
بمظهر غير لائق وهو ثائر غضبان ، في حين تكون أنت كقطعة ثلج في
صحراء سيبيريا الباردة لا تذوب أبداً .

في ذلك الوقت سيبدأ الشخص بملاحظة نفسه وأنه ثائر على لا شيء وأن مظهره بالفعل غير لائق أمام الناس
فيبدأ بالميلان نحو التهدئة التلقائية ، ومن ثم الوقوع
تدريجياً في دائرة الإحراج ، بدءً من الناس الحاضرين أو منك أنت المكروه ..
(more…)

 الضيف بروح بس بده طولة روح ..

ما بزورك الا اللي بحبك ..

هذه جمل من احنا صغار و احنا بنسمعها من امي .. و  غيرها  من الجمل و العبارات .. بسبب تذمرنا من كثره ضيوفنا .. جميل ان يكون بيت الشخص عامرا دائما و مضيوفا .. بس اشي و منه .. في فتره من فتراته كان بيتنا كالمزار .. وتذمرنا كان يزيد مع  القيود التى يجب الالتزام بها فتره استضافتنا للناس ..

 المهم..

سارللي فتره لم اكتب او انزل اي موضوع جديد بسبب انشغالي بأكثر من شئ .. احدهما اني التزمت بوظيفه مدربه فوتوشوب لمده اسبوعين بمعهد تدريب  .. وكانوا اطول اسبوعين بحياتي  حمد لله خلصوا امبارح .. 

و السبب الاخر اللي بسببه كتبت المقدمه وهو ضيفه زارتنا لمده 6 ايام .. كان اخرهم مبارح باليل .. الضيفه كان اختي اللى اغتنمت فرضه سفر زوجها لتزورنا .. مع العلم انها من سكان الرياض .. لكنها تزورنا بالمناسبات السعيده .. و لمده يوم و ليله لا اكثر .. بسبب عمل زوجها ..

و مع انها اختى .. و قبل عام كانت من اهل البيت .. الا انها الآن تزوه كضيفه .. و تكون معززه و مكرمه .. و تبلش الكل بطلباتها اللي إلها أول ما إلها آخر ..
(more…)