SmileFirst 2

7 Comments Add your own

• 1. سامي منصور  |  يناير 29, 2008 at 10:32 ص

  smilefirst
  لو الصبايا ساقو سيارات هون بالسعودية … والله راح يصير كتير مشاكل … وهتصير الزحمة دبل ما هي عليه الآن …. يعني المشوار اللي بياخد حالياً نص ساعة راح يصير ساعتين …
  و السبب أكيد انعرف

  وعلى فكرة أنا كمان من المعارضين لفكرة قيادة الصبايا للسيارات…
  بس بدون ضرب الله يسعدك (هذه وجهة نظر شخصية)

  تعيش الصبية بدون قيادة سيارات تعيش تعيش تعيش

  تحياتي و تقديري

• 2. smilefirst  |  يناير 30, 2008 at 4:57 ص

  الله يخليلنا آراءك استاذ سامي..
  و فعلا انا كمان كل اللي كتبته برفع معك شعار
  تعيش الصبية بدون قيادة سيارات تعيش تعيش تعيش … بس بضيف عليها ( بالسعوديه) …

  و مع ذلك هذا لا يعني اني ممكن اتحمل اقضي كل مشاويري على السوبرماركت و العياده و المكتبه و الزيارات وانا راكبه جنب حدا يوصلني و يستناني بره زي السواق..
  طالما السياره موجوده بالبيت و الرخصه معي و سامحينلنا نسوق.. صحيح ضمن نطاق ضيق بس احسن من ولا اشي..

  اهلين بزيارتك سامي منصور

• 3. Alloush  |  يناير 31, 2008 at 8:26 ص

  لأ أنا ضد حكي سامي تمام

  لأنو قانون منع المراة من القيادة متلو متل قانون منعها من التعليم

  كلمة وحدة وبس وين الحرام بقيادة المرأة

  مافي أي حرمانية، والنساء العربيات كانو فارسات، يستعلموا الأحصنة في قضاء أشغالهم وعندهم مهارة عالية بالتعامل معهم.

  الحصان وسيلة نقل والسيارة كمان

  أكيد وشي طبيعي جداً تصير هيك حوادث بالبداية

  كلشي جديد بتلاقي الناس بتنتبه عليه، بس بعدين بيمل الواحد، يعني أنا لنفرض كنت سعودي، إيه ممكن ألحقك مرة ومرتين..

  ايه وبعدين، صارت الشغلة مملة وبايخة وعندي شغلة غير إنو ألحق بنات بالسيارات متل الولاد الصغار.

  معهن معهن بتعودوا.

  ومافي حدا بيضل متخلف.

  بس والله انزعجت كتير من هي الحركة تبعت الولاد لما زتوا الطابة، والله لو كنت أخوكي وخبرتيني هيك، لأنزل بالسيارة وأحط الطابة بقفا كل واحد منهم وعلم على جنابهم وخليهم يحرموا يقربو من الشارع، والطابة…لعمى ضربهم شو قليلين مسؤولية.

• 4. سامي منصور  |  يناير 31, 2008 at 1:21 م

  علوش
  أنا أول شي ما حرّمت قيادة المرأة ولا بيطلعلي أحرّم …

  ثاني شي يا علوش انت عشت بالسعودية ؟؟ بتعرف شو ممكن يصير بعد قيادة المرأة للسيارة …. ؟؟

  على فكرة … قريباتي أغلبهن بيسوقن سيارات براة السعودية … عادي جداً
  بس لو كان الكلام هاد بالسعودية هل ممكن إنهن يسلمن …. (من الشباب بشكل خاص)

  يا ريت تقرأ ردي الأول مرة ثانية وركز فيه …

  وفي شغلة ثانية إذا شباب عمّان (اللي متعودين على انه المرأة تقود سيارة) رموا الطابة قدام سيارة (smilefirst) منشان يتسلو و يضحكو …. شو ممكن إنه يصير هان بالسعودية ؟؟!!!!!!!!

  صح و لا مزبوط ؟؟
  أنا عاذرك … ممكن إنه انت ما عشت بالسعودية عشان هيك انت بتحكي بالفم المليان إنه لازم المرأة تقود سيارة ….
  و على فكرة أنا متأكد إنه كمان فترة راح تقود المرأة سيارة هنا بالسعودية …

  تحياتي و تقديري

• 5. smilefirst  |  يناير 31, 2008 at 4:42 م

  علوش.. حكيك منطقي كل شي بأوله صعب و بعدين بتهون..

  بس برضوا حكي سامي صح .. انت ما عشت بالسعوديه لتعرف كيف عقول الناس . ما حدا بيقدر يحكم عليهم الا اللي عاش معهم..

  و بالمناسبه سامي.. اللي رمو قدامي الكره و انا بسوق كانو شباب السعوديه مو شباب عمان..

  و اخرتها و الا اولها رح يسمحوا للبنت تسوق بالسعوديه .. بس همه الخسرانين .. يلحقوا مشاكل ليلحقوا..

  و اهلين بزيارتكم..

• 6. Alloush  |  يناير 31, 2008 at 9:10 م

  بس يا سامي ليس بعذر أن نمنع المرأة بحجة أن هناك مجانين، يعني هذا كأن تقول للمرأة ممنوع عليكي الذهاب إلى المدرسة لأن الطريق ملئية بالمجانين.

  السعوديين بشر، لا يختلفون بشيء عن أي انسان آخر، وعندما تمارس الكبت والحرمان على اي انسان سيظهر عليه بوادر شذوذ في التصرفات كأن يقوم مثلاً برمي كرة على سيارة تقودها فتاة.

  لا يختلف الأمر هنا في سوريا، لدينا من المتزمتين والمتعصبين الشيء الكثير وأدرك ما أتحدث عنه، لكن لن أوافق على فكرة منع حق من حقوق الانسان لمجرد وجود حفنة من المجانين، الغلط هو بالطرف الآخر وليس الأول.

  بالطبع ستكون هناك حوادث، ولكن كل شيء جديد صعب في البداية ثم ينتهي الأمر.

  إليك مثال مختلف.

  في سوريا لم نعتد على لوحات الاعلان الزجاجية التي توضع على الرضيف، وذلك في سنة 1993 أو 1994

  عندما وضعوها تم تكسير الآلاف منها، هكذا لا لشيء فقط لأن الشعب كتير حضاري.

  وكل مرة تقوم الشركة باستبدالها، ثم يكسرونها مرة ثانية، آخر مرة رأيت فيها لوحة اعلان مكسورة ربما من 10 سنوات.

  كابينات الهاتف، أيضاً عندما تم تركيبها، تم خلعها واعطابها من قبل المواطنين لأنهم عديمي المسؤولية.

  قيادة المرأة للسيارة لا تختلف فهم لا ينظرون للمرأة بقدر ما ينظرون للشيء الجديد في قيادة السيارة، سيحاولون مشاكستها، تلطيشها، مرة و 2 و3 ثم بعد بضع سنين سينسوا الموضوع ويتقبلونه.

  مع التحية للأخ سامي، ولكل شباب فلسطين والأردن والسعودية.

• 7. chehbi  |  فبراير 29, 2008 at 6:53 م

  غلط و ستين غلط ، المرأة يجب أن تسوق السيارة في السعودية و غيرها ، يجب على المرأة السعودية (على الخصوص) أن تناضل من أجل حقوقها و أن لا تنتظر هدية فوق طبق من ذهب تجيها من الرجل ، أظنك سمعتِ على أن مالك الشيء لا يهديه..
  الحقوق تأخذ و لا تعطى يا عزيزتي…لذا يجب عليكن أن تفرضوا عليهم تغيير عقلياتهم … بالمناسبة حتى بعض النساء يجب أن يغيّرن طريقة تفكيرهن

Leave a Comment

Some HTML allowed:
<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Trackback this post  |  Subscribe to the comments via RSS Feed